D'r vastelaovend is noëweer hie, wat zal d'r tied os noë gaon bringe ?
D'r Breuker luuj weer zie aa zie, sjtaon in d'r optoch mit te sjpringe.
Pak uch bie-ein en vier karneval, want alle sjpass kin noë beginne.
Os Breuker land is ein groeët bal, jao, os Gebrook zal euerwinne.

Refrein:
De vastelaoveskriebel geit doer os lief.
Kom Breuker luuj, laot gaon en stank neet zoë sjtief.
Vieër maake drie daag lank weer sjpass en plezeer.
Dan geit os ganse Breuker land op en neer.
De hermenie zit weer d'r boet op d'r kop,
sjleet mer aa, vieër laupe drie daag veurop.
Gebrook, doë hubs os in diene ban.
De Breuker luuj, die kinne d'r get va.

Wat zouwe vieër toch motte gaon doon, zonger dae sjoene vastelaovend ?
Vieër zinge noë de hoeëgste toeën, hange d'r kloon oet, jekere aovend.
Kom Breuker luuj, laot noë mer es gaon, sjmiet uch mer doeër die Breuker nachte.
Dan laote vieër gein glaas mie sjtaon, dat blieft altied in os gedachte.