Drei alles um

Artiest: 
Rowwen Hèze
Album: 
Voorwaartsch
Plaats: 
America
Jaartal: 
2019

Soms dan zudde wille dat ’t woar waas
’t antwoord op de bojjem van ’n beerglaas

elke daag, nar ‘t cafe
nachtelang, doorgegoan
same op zeuk nar ’t idee
de groete vroag van ‘t bestoan

en iederien is specialist
alles wuurd grondig, veurbereid
hebbe nog noeit ’n boei gemist
elke stien wuurd umgedreid

soms dan zudde wille dat ’t woar waas
’t antwoord op de bojjem van ’n beerglaas

en altied door met man en macht
tot ’s merges vroeg, koste wat kost
toen inens hiel onverwacht
’t mysterie opgelost

net toen iederien d’r gans dorhin zaat
dreef ‘t antwoord op d’n bojjem van ’n beervaat

heej leep nar ‘t podium
en ’t heelal dat bewoog
de sleutel is drei alles um
beer is ’t antwoord, wat is de vroag

we vrooge doar en we vrooge heer, ja, ja, ja
wat de vroag ok waas
’t antwoord dat is beer, ja, ja, ja

inens begon ’t hiel zachtjes te weije
‘t ganse universum dat ging dreie
d’r kwaam ’n splinternij verhaal nar binne
toen koste we van vur af aan beginne

ik wet nog precies hoe weej heer zate
elke barkruk kende ozze naam
we dronke elke daag als de pirate
toen inens ‘t licht nar binne kwaam

als ge onder op de bojjem bint dan wette
dat ge ow doar vur ’t ierst wir af kunt zette
dan kunde d’r ow eige fiest van make
drei mar alles um en lat ’t smake