Refrein:
Driej daag sjpeulkwarteer, veur gaon vastelaovend viere.
Hôbbe vuêl plezeer, hove lekker nieks te liëre.
Veur veule ôs weer kindj, en vlege wiej de windj
van hot nao haar van hiej nao dao,
gewoën ôs naas mer nao.
Want veur hôbbe noë alweer, driej daag sjpeulkwarteer.

Vers1:
Alle kinjer opgepas, zag de juffrouw in de klas,
want d'r sjteit weer binne-kort.....
Vastelaovend veur de deur, daorôm sjtel ich dit noë veur,
en toen sjreef ze op 't bord:

Vers2:
En noë geit de ganse sjoël, met de henj vol boere-koël,
nao de boere broelôf toe.
Met z'n alle oppe vloër, en dao zinge veur in koër,
't is vastelaovend noë!!