Refrein:
As Driekus op d'n trekzak spuuëltj, met passie, temperamêntj
Dan zörregtj dae akkordeon vör stumming inne tênt
Zien vîngers dânse wi-j 'n ballerina op en nieër
En Driekus ruptj: 'd'n dânsvloer es vör mich dus 't klavier'

't Woor jaore trök, daen Driekus haaj gelök
Hae kocht zich in 'n louche zaak
Van 'nne vênt, dao in di-j sjabbetênt
Vör oppe sênt aaf 'ne knaak
Zoeë sônger bon 'ne akkordeon
En van daen tiêt aaf woor 't raak
Völ prebieëre, oore noeëte lieëre
Stieëvig muzisieëre, 'n talênt
Mot völ prebieëre, stieëvig muzisieëre
Es gewoeën neet gauw kontênt

Dek oore lânk zoot Driekus oppe gânk
En hieël 't hoêshaoje woeërt gek
Kritiek neet mâls, want oeëts dan woor 't vâls
Jao in 't begîn woortj dek nog drek
Toch ginge doeër en 'n geoefendj oeër
Det zieët noow achteraaf nog dek
Völ prebieëre, oore noeëte lieëre
Stieëvig muzisieëre, 'n talênt
Mot völ prebieëre, stieëvig muzisieëre
Es gewoeën neet gauw kontênt