Refrein:
Noow zétj uch toch ‘s efkes schrap
kiektj dao oeës Drika di-j gieët op stap
kwok, kwok, ze waggeltj met eur vot
spuuëltj saxofoon en soms fagot
Allein meziek det kluuërtj eur laeve
ze spuuëltj op eder bâl
't És e roeëd-gael-greun gegaeve
ze stieët drej daag neet op stâl

Op vastelaovendj-zoondig paktj zeuj eur instremênt
Dan geuftj ze ouch gein mêlk mer és wul hieël kontênt
Ze wiltj allein mer blaoze, leefst boete oppe straot
'Meziek mét vastelaovendj' es eure wieze raod

Boor Frêns hieët niks te wille, dao és gein haoje aan
Ków Drika wiltj niks aete, gein krotte en gei graan
Ze schöddeltj met eur huuëpe en bleusj zich total-loss
de mêlktuit mot wachte, dae boor dae és de klos

Di-j ânger kuj di-j bäölke 'alaaf retteketet'
en hale vanne schelft 'n trom en klarinet
Ze muzisieëre same e merske, rock of pop
Gaon laat en zaat de stâl op, boor Frêns woor eure BOB