Refrein:
Ut is hej dweile mit de kraan gans aope,
ut geit mer door, ut hölt neet op.
Dan wurd d'r straks nao hoes gekrope,
want neemes kint ut weurdje STOP.
En as wae os dan merge verslaope,
en wae zien noch doorgedreid,
dan is ut veur idder te hope,
det ut wir vlot zoë wiejer geit.

Det zuuse metein, unne sjoëne ongerein.
Ut is neet te geluive.
Kom ober, tap rap, och wat kin se det toch knap.
Gaef hej, wae wille fuive ...

Dae sjoëne muziek, och, wat veule wae os riëk,
now mit de vastelaovend.
Du wurs stapeldol en det haoje wae dan vol,
tot overmerge-aovend.