Refrein:
Fifi zoo heisj 't hundje van de buure, dae gek gong zich ei kattevelke huure.
Hae dach waat kan 't mich auch verrèkke, es kaater in den optoch mit te trèkke.
Es kaater is 'r drie daag blieve loupe, dat vel hauw hae zich baeter kènne
koupe.
't Gounsdigs is 'm dat dan ouch gaon sjpiete, es kaater koosj 'r heeringe gaon
biete...

Bie osse in de buurt woont ein hundje,
dat löp driemaol per daag normaal zien rundje.
Mer ens per jaor geit'r richtig dran,
dan sjleit bie hööm de vlam in de pan.

Dae Fifi deit dat noe al ellef jaore,
d'n dokter wit dat auch neit te verklaore.
Dae meint dat hundje haet noe eimaol sjpas,
dat is van 't richtig Zittesj sjtraote ras.