Zoen 10 jaor geleije, zaog Fredsje 't leech.
't Leek 'n braaf jungske, dat laog in z'n weeg.
Fiederalalala, fiedera, fiedera, fiederalalala.

Zienen vaajer, dee pakde Fred op zienen errem.
Dee leet toen gét vleege, 't kaom oet z'n derrem.

En Fredsje, dee lachde, dee voont 't wel leuk.
De aander luij woorte neet good vaan dee reuk.

Toen Fredsje gét awwer woort, zaogste 't al good:
Heer zaot vol met streke, 't zaot in z'n blood.

Zoe zat heer z'ch deks unne zonnebril op.
Heer trok gekke snoetse en vertelde 'n mop.

Op sjaol, dao waor Fredsje al hiel snel de bink.
De meitskes, die dreijde heer um ziene pink.

Méh Fredsje woort op iemand aanders verleef.
Zien juffrow vaan twintig waor zienen hartedeef.

Um häör hart te winne, deech heer good z'n bès.
Heer haolde väöl tiene, waor steeds beij de les.

Zoe kaom 't met Fredsje toch allemaol good.
Heer leef noe met eederein op hiel gooje voot.