Iech waor hielemaol doorein
Meh iech ging wie ‘nen trein
Aondach vaan eder del
Mèt de knievel opgespaord
En get brylcream in m’n haor
Ging dat wie ‘n peulesjèl

Völling in m’n sjouwers
Zèlvere mouwophawwers
Febrieske maak altied de blits
Meh obbins zeet miene maog
Iech wèl friet en wel vendaog
't Weurt tied tots diech d'ch get vrits

En wie de tent touw ging en ’t leech aon, móste v'r droet
Daan zat 'ch miech lekker neer bij Rika, väör aon de roet

Friete vaan bij Rika – Jao friete vaan bij Rika
Rika goej ze drin
Friete vaan bij Rika – Jao friete vaan bij Rika
Mmmm… iech pratsj ze oonderein

Iech had geinen appetiet
Meh iech voolt de gansen tied
Maogzoer, zoeväöl tot ’t brand
Jao iech kin bès eve zoonder
Meh vaan lebsje krijgste hoonger
Dus iech dui die geit aon de kant

Want wèlste zoervleis, e frikkedelke of ’n krokèt
Daan speit Rika diech iers ‘ne greune in ’t frietevèt