Gaat in de hègk

Tekst: 
Ton Engels
Muziek: 
Ton Engels
Artiest: 
Ton Engels
Album: 
Ton Engels - 'Plat' - Marlstone Recordings CDL 9520
Plaats: 
Panningen

Woensigmiddig en zatterdigmiddig
vief oor precies -
Iddere woensigmiddig en zatterdigmiddig
um vief oor precies -
Tante Hannie - Dappere Dodo -
Okkie Trooi en Pipo de Kloon
Ich bouw vur dich 'n vogelhok
en du moogs met nao Texel -
'n gaat in de hègk - 'n gaat in de hègk -
we heije thoes 'n gaat in de hègk -

Dit is 'n hiel gekompliseerd verhaal
van zwummen in 't Meijels knaal en nog veul mier -
Zoals van fietsen nao Klein Zwitserland
de Heibloom of 't Zeerums strand en soms nog wier -
Mer auch van matteklopper as gitaar
van sonnessmerges ein sigaar -
Lang geleje , zoe lang geleje
Van molshuip die toen nog bestongen
vlinders die wae toen nog vongen -
Lang geleje , hiel erg lang geleje

Van poszegels kaupen, nao de mis bej de paters
die mosse dich goot beware jong, des slum vur later
van Haj van de Kuuper en die vette jukebox basse
van zek noejt pisse, mer zek netjes 'plassen'-

Van lekker lui laeze achter op de zolder
tussen de doeze en reclamefolders -
van Fulgor en Bessie en de Man van Staal
en als mer verder geit dit warrige verhaal -

Van koeleskup vange achter op Ninnes
van Sintermertes veugelke, wat auch al nimmer in is -
van of Kommunist of Katteliek
en van sex waere stoute maedjes diek -

Van de Bruun , wielerpletjes, aetpapeer
noejt over de brögk, altiet met 't veer
van ome Piet en Manus en zeker auch van Nel
en Tekkie dreugt 't kerkbook wel -

Van Frits , Mien , Drieka , Sjeng
groete sjöp en grove heng -
van 'n donker pakhoes - alle soorte ratte
van champions en stapels patatte -

Van noejt gin tiet want altiet werk
van geld ophale - sonnes in de kerk -
van 'n houte trap - jute zek
van niks aan 't hendje of knettergek

En in de Nachmis zong ich keihel
van 't kindeke teer
en met de kindsheidoptocht waar ich neger
met 'n zwarte maillot en 'n houte speer
zwarte maillot en 'n houte speer
zwarte maillot en 'n houte speer
Speer - speer - speer - speer