Refrein:
Gaef os nog de letste, de letste veur v'r goan.
Drie daag vasteloavend 't is nog neet gedaon.
Carnaval in Uermend, drie daag van plezeer.
Gaef os nog de letste, os letste glaeske beer.
Gaef os nog de letste, morge kom v'r weer.

Eder joar in't veurjoar is 't weer zwoawiet.
Vastelaovend viere is de sjwuaanste tied.
Veer goan noa de kroeg en de fanfarezaal,
viere vasteloavend in os eige taal.
(veer zenge dit refrein, want carnaval is fijn)

Same make veer altied de grwuaatste lol,
kriege neet genog, al weurt 't soms te dol.
Optoch in de stroat, joa, eederein deit mit.
Sjoenkel heen en weer en neemes dae nog zit.
(al zeen v'r bienoa vol, toch make weer nog lol)

Gans de oavend lang en soms tot s'morges vreug,
goan veer lekker door, veer zeen nog lang neet meug.
Geit 't leeg dan aan en is 't ech gedoan,
dan pakke veer de letste veur v'r heives goan.