De grôatste gekke van Gelaen zeen eindellèk bie-ein.
Ze numme zich 'De Flaarisse', en sjtaon vas op de bein.
Ze hauwte noe de sjpas in hoes, de Raod krig ziene zin:
Gelaen dat is ein waereldsjtad, veer höbbe ein begin. (2x)

Veer kriege noe ein sjtadion veur twintig doezend man,
en eine echte boelevaar, jao, jao, Gelaen dat kan.
En auch ein grôat konzertgeboew, veer kriege ooze zin:
Gelaen dat is ein waereldsjtad, veer höbbe ein begin. (2x)

Veer sjtampe hoezer oet de grôndj, Gelaen dat geit veuroet.
Höb v'r geine grôndj genog, dan mèr ein Roadsbesjloet.
't Is in het algemein belang, de Koel haet ziene zin:
Gelaen dat is ein waereldsjtad, veer höbbe ein begin. (2x)

Ocherm, de boere van Gelaen, die sjtaon noe op de sjtraot.
Die waere al hun lendjes kwiet, en lègke noe het lôad.
Ze mòtte noe het centrum oet, ze höbbe em noe in:
Gelaen dat is ein waereldsjtad, veer höbbe ein begin. (2x)