Veer viere vastelaovend in de eige toko.
Sjtreuje kwistig rondj, mit de Gelaense LoKo.
Heur ós trómmele en blaoze naeve'nein,
en sjoenk'le ziej-aan-ziej, of achterein.
Veer zeen zoa greutsj op ós Waereldsjtadcultuur.
Die is zoa apaart, haet zien eige signatuur

Refrein:
Laot ze moele, laot ze doon,
laot ze mè kalle euver ós.
Veer zeen toch de allersjtèrkste.
Kiek óm dich haer en dan merk-ste:
in Gelaen is 't allermeiste los.
Gelaen, Gelaen, mien waereldsjtad,
ich zouw bööke es ich dich neet had.
Laot ze zwètse, laot ze moele,
laot ze zwamme, laot ze doon.
Gelaen doe bès en blifs, de parel op de kroon.

Sjprèng mit mich op de bóntje barricade.
Lekker sjmoezele op dees car-na-va-lade.
Sjnap mien sjouwer, hotse-botse taege'nein,
in 'n lange riej, oug-in-oug en ein-aan-ein.
Ós vastelaovend is ein richtig avontuur,
mit de tiepische Gelaense garnituur.