Refrein:

Wae blieve nog get sjluukskes langer
Toet det gister goojemörge is
Wae blieve nog get sjluukskes langer
Waem hie nog steit haet zien ontbijt geheid gemisj

Wae blieve sjluukske väör sjluukske
Van de sjoeën-momente-vanger
Toet de mörgevreug-wcbril-hanger
Wae blieve nog get sjluukskes langer

Couplet 1:

Es alle väöltelangneetmieërgezeeners
Op vastelaoveskroegenoptocht gaon
Den kriege oze beertapkraanbedeeners
Gein tied óm ouch mer efkes stil te staon

Den kènse ós nog hueëre bie de buure
Den sjödj de ganse grondj
Nemes steit nog stil
Vastelaovendj is gezondj

Couplet 2:

Es alle door’tjaorhaerneetzondrinkers
Zich minge mèt hun nuujgemaakte vrunj
En mèt de vastelaovesbeerglaasklinkers
beginne aan de tieën-nao-lètste runj

Den zuusse ‘t gebäöre van te väöre
Nao hoes gaon haet gein zin
Den zingtj de ganse zaal
zoeë knoeërhel es ‘t mer kèn

Brug:

Geise laat genóg te laat nao hoes
Kumse vanzelf weer vreug zat thoes