Refrein:
Glück auf, haot mood
Alles kump good
Loat d’r kop neet hange, doe sjtees neet alling
Al egaal of ‘t groeët is, vier kriege ‘t kling
Vier haote same, vier kómme d’roet

En loat dich af en touw ins lekker poekele,
Ins lekker poekele, ins lekker poekele
Noe sjpeul de zörg van dich aaf en loat dich poekele
Da züt ’t leëve d’r werm angesj oet

De jónge van de nachsjiech
Sjtónge veëdig vuur de kouw
Me sjloog zich nog ee krütske
Vuur de nerve, vuur de rouw
En went-me da noa ónge broesde
Keek me zich ins aa
Vier mótte werm, es God b’leef,
Vier gónt d’r teëgenaa
Es teke va saamhurigheed
En óngerlinge bank
Zag me zich óngenee “glück auf”
En goof me zich de hank

’t Leëve is neet ummer sjpas
Me kint óch zörg en leed
Ónenigheed, vöal sjtried en kreeg
Óch krankheed en verdreet
Ma went me dat alling mót drage
Is ’t ins zoeë zjwoar
Wie sjun dat ’t da koempels gieët
Zoe wie dat vreuger woar
Es teke va saamhurigheed
En óngerlinge bank
Zeët me zich óngenee “glück auf”
En gieët me zich de hank