Good... maar waat is good genóg?
Good zeen veur de anger, ich mót good zeen veur de lóch.
Ich mót good zeen in mien tale, ich mót good zeen in mien werk.
In mót good zeen in bepaole, ich mót good zeen en ouch sjterk.
Maar as geer meitn det det noe alles is, vergaet geer waal de helf,
want good zeen geit pas good, as se good bös veur dich zelf.

De miense wille des de duis waat häör belangriek liek.
Dét kan baeter jóng, det is neet good en lang neet sjiek.
De norm, dae haet gesjpraoke, 't is altied zo gewaes.
Dus loester noe maar good nao de les die ich dich laes.

Doe höbs ein touw tösse de bein en as ich dao aan trek,
dan zings en dan duis doe op kommando aeve gek.
Zolang as ich 't leuk blief vinje geis doe diene gang.
Daonao moog eine ang're gek weer doon waat ich verlang.

Vergaet 't maar, ich bön zo wie ich bön en angers neet.
Ich wil neet doon waat des doe zaes, det zaet mich geine reet.
As ich wil zinge, danse, lache, kump det oet mien lief,
want zónger det besjteit dit neet: ich waas, ich bön, ich blief...