Greun en gael - oranje en roed
De struuk in de stroat zien op sterven nao doed
Greun en gael - doezjend blaer in ozen tuin
Greun en gael - alles flikkert oet de buim

In oktober - beste ober - kiek ich vas veuroet
Kersmis - aod op nej - was 't mer wer hej
Lekker aete - veul belove - beste winse enz
Naeje ronde naeje kans - in de herfst maak ich balans

Greun en gael - oranje en roed
De katte blieve binne en willen als mer op de sjoet
Greun en gael - doesjend blaer in ozen hoof
Greun en gael - ich lek mich de vutjes op de stoof

Tot einde Maart - meneer de waard -
kiek ich auch nog achterum
De zomer - 't vuerjoar
't is wer sjoen gewees
Evaluatie - negen letters - zei de scrabblekampioen
Bijna jäörig - Jesus Mina -
navelstaarseizoen

Greun en gael - oranje en roed
Buim met kale tek lieke wel dubbel zo groet
Greun en gael - nevel en mist
Ich weit nou 'n aantal zake die ich vreuger neet wis

En doa raak ich danig in de war van,
beste barman sjut 's vol
Het dit nou perspectief -elf letters asteblief
Ich zeen ojje beelde vur mich
déja vu mer dan continu
kal bijna Hollands per abuis -ivore tore - gouden huis

Greun en gael - oranje en roed
Veul minse die ich mos mer amper kos zien al wer doed
Greun en gael - doesjend bler in miene kop
Greun en gael - die ruum ich deze wintjer op
Greun en gael - mer never zwart of wit
Greun en gael - laote zitte watter zit
Greun en gael, god wat is 't al wer laat
Greun en gael - ich bin 'n hiel klein bietje zaat..