Waat zoel der oet Venlo gewaore zien,
as Guntruud noeits had bestaon.
Misschien waas dan alles hiel anders gewaes,
en had ik heej now neet gestaon.

Refrein:
Och, leefste Guntruud, weej zulle noeits vergaete,
wat geej, as vrouw van Flujas, veur ôs heb gedaon.
Geej waas de mooder van alle Venlonaere,
en ziet ôs in alles, alles, alles veurgegaon.
Geej ziet intösse now al ieuwealt gewaore,
en weej haope det geej lang nog mei zult gaon.
Want as geej heej toendertied neet waas gebaore,
dan had misschien ôs Venlo neet bestaon.

Wat hebbe weej vruuger gelök gehad,
det Guntruud ôs mooder waas,
want waas se det neet, had 't slech oetgezeen,
en leep heej allein maar de Maas.

'n Standbeeld had Guntruud toch diek verdeent,
det had heej toch good gekôs.
't Zoel trouwens bes waal gemekkelik zien,
want zeej waas dan altied beej ôs.