Half'um

Tekst: 
Otto Koolen en Wilbert Claessens
Muziek: 
Otto Koolen
Artiest: 
Doet Már Zes
Album: 
'Vastelaovend ien Rooj 2000-2001' - ONGER OS 7383
Plaats: 
Venray
Jaartal: 
2000

Kende dat ok: de kroeg nie mèr ope,
'n klaen bitje zat, nor huus toe geloeëpe.
D'n dörpel te hoeëg, toch binne gekòmme.
Daor is mien bed, 'r gaaw iengeklòmme.
En toen dromde ik van gister,
huuërde wèr die joekskepél.
Die blieze kejhárd ien mien oeër:
Kepot mien tròmmelvél !!

Refrein:
Driej daag nie mèr daenke, obers blieve schaenke.
't Is te gek, 't is te zot, ôk 't bier kan nie kepot !
Ge mòt 'r nie án daenke, dat ze nie mèr schaenke.
Glaeske prik of pötje bier, half'um, um half vier !
La-la-la, la-la-la, la-la-la, la-la-la
La-la-la, la-la-la, la-la-la, la-la-la

Kende dat ok: wìj gón 't òw lieëre,
hier ien de kroeg, dit fieësje te viere.
't Jeske gaaw uut, en kòm 'r már bìj staon;
Kiek dan nó òs, hoe wìj uut òs dák gaon !
En dan kumt 't wel, van aeges. Vastelaovend is van òs !
Lót òw driej daag gaon, en goeëj már alle remme los !

Kende dat ok: ge kriegt 't te pákke,
vanuut òwwen nek, tot ien òw hákke.
Vreej van 't waerk, òwwen baas kan nie zeure.
Hìj bekiekt 't zich már, dus lót már gebeure.
En dan is 't vastelaovend! En gìj het toch zó'n plezier !
Kiek, de sjef, dén is 'r ok, half'um, um half vier !