Refrein:
Men wil hebbe hebbe / hebbe hebbe / hebbe hebbe / hebbe.
En mar hebbe hebbe / hebbe hebbe / hebbe hebbe / hebbe.
Mar de hertewins krieg noëit genoch.
Men mot hebbe hebbe / hebbe hebbe / hebbe hebbe / hebbe.
Leefde hebbe hebbe / hebbe hebbe / hebbe hebbe / hebbe.
Mar de kleine mins kriegt noëit genoch.

De kleine van de buure leed te boâke in de weeg,
en mooder zaet: 'Och jungske, hesse wir dien buukske laeg?'
Ze doewt d'r dan mar wir, enne lange vinger in,
maar schienbaar is det ni de kleine nao de zin.
Want hae geit mar door met boâke, en zeej wet genne raod:
'Nou blief es efkes stil óf ik waer biestig kwaod'.
Zee snapt d'r niks mier van, wat zit um de waeg?
Ziene kleine boêk is vol, maar zien hertje, det blief laeg.

As hae later groëter wurt, zaet mam: 'Och lazer-op,
lig nouw ni te sanikke aan miene drukke kop'.
In plaats van lekker knoevelle beej mooder op de slup,
steit-ie strakkes op de stoep, met en kinderhand vôl snoep.
Met en koekje, enne lolly, met wat speulgood of zoë iets,
enne voetbal, enne walkman, en paar schaatse of 'ne fiets.
Zeej snapt d'r niks mier van, wat zit um in de waeg?
Ut ganse hoès stelt vol, mar zien hertje det blief laeg.

Is hae dan volwasse, wilt hae dan toch alsmar mier.
Me mot als mar hebbe, ok al is het vur de sier.
Me haet en gooije baan met vuul zôrg aan de kop,
mar det is ni genoch, me mot nag hoëger op.
Burgemeister, kamerlid, ministerpresident,
van piël-en-baog noa kruusraket, men is nag ni kontent.
Me snapt d'r niks mier van, wat zit ôs in de waeg?
De waereldbol steit vol, mar det hertje det blief laeg.

De kleine mins krieg noeit genoch.
Zeg mich welke mins, krieg oelt genoch?