Refrein:
Is hiej ‘n plaetske vriej?
en kenne veur d’r hiej nag biej?
Veur make ós waal klein,
en kroépe doewn biejein,
den is d’r zellufs plaats veur driej.
Ieërs beer,huur ich den weer,
mer as ich roop:”kóm, ich trakteer”….
den weit ich hiél besjlis,
det hiej nag ruümte is,
veur eine maeter beer.!!

Vers1:
Veur ware aan de late kantj, ós stjamkefé waar vol,
ich dach:”wat is hiej aan de handj “de rame sjtónge bol.
En wiej ich toen dao binne keek en al det volk dao zoog….
toen leep ich nao ein taofel haer, en wétse wat ich vroog:

Vers2:
De Prins en auch de raod van elf, die brachte ein bezeuk,
de miense sjove aan de kantj, die vónge det waal leuk.
En idderein sjtóng ziej aan ziej, det goof ein werm geveul,
de prins sjtóng oppe taofel en de res zóng oppe sjteul: