’t Is haof ach en ich laop nao Genhei
Nuëge jaor en al klas vief
De vuëgel fläöte en de zón in de rögk
‘t Bergsjke aaf, Ieësjte baek
Dan ónger ’t sjpaor doer en meteen weer linksaaf
Get wieër op, die brögk
Bienao dao, twieë rotte plenk
Mien hart gaet tekier en ’t zjwaet brik mich oet

Pas op vuuër d’r haokeman
Dae trök dich in d’r sjlaam,
Vieze zjwarte Koaledrek
Kiek oet vuuër d’r haokeman
Mit zien vieze nöt gezich
Doe kums d’r noeëts mieë oet.

’t Is Veer oer en vier laope weer nao heem
Väöl gelierd vandaag
de vuëgel fläöte en de zón in ’t gezich
’t paedje aaf, de baemde in
Nog ’n paar kier haat d’r pap lets gezag
’n kier of driej nog hoeëgoet
Dan nao de sjtaasie biej de iezere brögk
Montfortsjtraot, wiet weg van hiej
’n letste kier uëver die baek mit dae drek
En mien hart gaet tekier en ’t zjwaet brik mich oet

Ich höb d’r haokeman gans wiet weggeduujd
De angs is al lang vergaete
Ich laot ‘m ligke woe hae toeshuërt
In d’r drek, in d’r sjlaam en kump d’r noeëts mieë oet

Toch?