Hotel Limburgia
refrein
altied haldekedaldekeda
’t is dao altied fees
veer zien dao ouch gewees
Hotèl Limburgia
couplèt 1
verborge in de bosse
tösse Zöstere en Stein
dao ligk e knus hotèlke
neet te groet en neet te klein
’t is ’n ech châteauke
mèt ’nen tore en ’n grach
’t kin d’r wel ins spoke
heet de naobersjap gezag
couplèt 2
daag in daag oet gezèlleg
eed’rein is dao gere klant
de enthousiaste gaste
koume oet ’t Limburgs land
dao koume väöl artieste
es ze oetgezoonge zien
ze drinke daan ’t liefste
’ne sjoene château-wien
couplèt 3
aon d’n haard zit Ben Verdellen
lekker in ziene nachjapon
verhaole te vertèlle
aon Big Benny, Henk & Ton
en in de château-keuke
mèt ’ne sjolk aon steit Bep
Kartoesj, John, Jef en Erwin
preuve aon e Spaons recep
couplèt 4
Jack Poels zit in d’n tore
kump vendaog neet mie umlieg
niemes maag häöm store
want heer sjrijf e sjoen gediech
in d’n tuin dao löp Frans Theunisz
hiel gewoen, meh toch ’ne V.I.P.
’t graas wat altied greun is
weurt secuur door häöm geknip
couplèt 5
W-dreej kin ’t neet laote
goeje ziech weer in de boch
ze zien in alle staote
höffe glazer in de loch
Hotèl-Château Limburgia
dao is ’t altied fees
ouch Thei en Marij die zien dao
hoonderddoezend kier gewees