Wat iech noe gaon zègge, uuch vertèlle gaon,
'ch höb al 'n paar kier gevreijt, mer 't bleef noets aon.
Noe höb iech wer kinnes aon 'ne leuke maan.
'ch Bin oonderstebove en gaans doorein devaan.

Refrein:
Iech hoop tot heer de ware is en tot iech miech neet vergis.
Och, iech haw zoeväöl vaan häöm en heer hèlt ouch vaan miech.
En ee'ren dag zien veer bejein, veer kinne neet mie zoonderein.
'ch Wouw tot geer häöm ouch 'ns zaog, heer heet zoe 'n leuk geziech.

Les zien veer goon ete in 'n sjiek resterant,
en nao 'n gleeske wien of drej, toen pakte heer mien hand.
Heer zag: "Mien leefste meitske, luuster 'ns nao miech.
Wèlste diech met miech trouwe goon, iech bin zoe gek nao diech".

Jao jao jao, jao jao jao, strak, daan zègk iech jao.
Iech weet daan weurt heer miene maan.
Hielemaol is heer vaan miech.