Refrein:
Iech plök d'n daag, want 't leve is zoe sjoen.
Um mer get te haange en wijer niks te doen.
Iech geneet vaan ederen daag en daon m'n bès,
um get devaan te make, iech lierde oets m'n lès.
Want 't geit miech aon m'n prei,
want de daog goon al zoe snel en d'n tied dee vluig veurbij.
Iech plök d'n daag, want 't leve is zoe sjoen.
Alles is bezunder, geinen daag dee is gewoen.

't Is mer hajje en mer spooje.
Um op de klok te lètte bin iech geine gooje.
Iech kom mer tied te kort, jao zoe-es ederen daag.
Iech wèl niks misse, aanders raak iech zoe vaan slaag.
Iech bin wel meuj vaan dèks te renne tege de tied.
Meh achteraof höb iech daovaan toch geine spiet !

Veer mote dinke aon eus hertsje,
want al dat jakkere, dat krijg nog ins e stertsje.
't Is neet good veur de stress en 't humeur.
En mörrige steit opnui d'n daag weer veur de deur.
Meh, pak toch alles, alles wat geer kriege kint.
Jao, veur tot d'r weer 'ne nuien daag begint.