Refrein:
Ich han inne sjlaag in 't koffer,
ich han 'n pan los, neet mieë normal.
Ich han inne tik al in d'r zender,
dat kunt durch dich mit dienge sjtomme kal.
Went dieng kloone-eugsjkes mich wer teëge blinke,
roetsjt 't hart mich in d'r boam en wer erop.
Dan kan ich gaar neet mieë an anger dinger dinke,
en wasse mich sjpontaan de blomme oet d'r kop.
Ich han inne sjlaag al in 't koffer,
ich han 'n pan los, neet mieë normal.

D'r Krismaan deeg zieng runde, d'r sjnei loog op mieng mutsj.
Ich zoog dich lope en ich kroog d'r kriebel in d'r knutsj.
Doe koamste op mich aan en ich volt nieks mieë van de kou.
't Woar of ich ze neet mieë allenui op d'r krisboom hou.

Ich han an dich lope dinke, al die monde lank.
Ich oot neet en ich sjleep neet, de mam zeët: 'Biste krank?'
En noe kom ich dich teëge, jong, dat makt mich sjtapelgek.
Ich veul mich wer zoeë lekker wie e verke in zie sjpek.