In nomine Patri, de Filii, de Spirito Sancto

zoe ging ‘t joare in os kirk
zoe golfde ’t gebed nao d’r hieëmel
noe ‘ns vol, kreftig en hel wiej op Pinkpop
da weer in ’n sjtil fluusterend gemieëmel
Sjtief sjtinge de hèllige op d’r sokkel
es waore ze verpakt i wieraokwalm
Maria waor haos gaar geruësterd
i vieze zjwarte kaersekwalm

Ite missa est

’t is juus of ich ’t gistere nog hoeërt
dae ingelezangk van ’t Maagdekoer
hoeëg op ’t oksaal mit väöle tesame
op ’t elter driej Hieëre, in ’t midde pesjtoer

Ite missa est

‘Wo sind Sie gebliebe?’ die Maagde
kint gier d’r nog? kint gier d’r nog örges vinge?
n dan oos kirke, nog wienig blief uëver
de rest woeërd geofferd aan anger dinge

Ite missa est

‘t leech vilt va boete
doer gebrandsjilderde roete
en de zón lieet de kluëre
de kluëre sjoeen glinstere
ich sjtoan doa allein
en veul ich d’r sjaele winjd
doer kepot gewórpe vinstere

Amen