Kóm in mien erm, laot mich neet langer wachte.
Dich bis daag en nach in mien gedachte.
Ik krièg dich d'r neet oèt.

Kóm in mien erm, laot mich neet langer smachte.
Ik heb genóg van al die einzame nachte,
ik hald 't ech neet langer oèt.

Met dien zeute lippe op miene mónd,
kóm ik ein bietje van de grónd.
Met dien zaachte stum in mien oeër,
dreit de ganse wereld in 't rónd.

Kóm in mien erm, laot dien auge blinke,
same in de nach verzinke,
en maak de lampe oèt.