Jao lau det hadse gedach
Gaon iddere nach op jach
Gewoën die speurneus achternao
De uigs ens heej en dao
En hesse eemus in de smiés
Jao kèn dan is 't priés

Refrein:
Kôm dich ens efkes heej dich bis d'r gleujend beej
Heej beej mich is nog ein plaetske vreej
Met einen ougenblik heb ik dich gauw gestrik
Veurdet eemus dich had ingepik
Ik zal altiéd dienen houfpriés zien
Maar as ik waer betoep dan guuëf 't snoetesoep
Dan geit 't ein twië dreej
En ik bin vreej

Ouk Cupido is de richting kwiét
Dae klojo plaart maar wat aan
Zien pielke mis mich de gansen tiéd
Dao hesse ouk nappes aan
Dan spring ik in de stoute schoon
En gaon dao wat aan doon
Ik maak mich ech gen dieke bein
Want ik bliéf noeits allein

Ik wach neet wies ik ein unske waeg
Dan gaon ik ram van de gaert
Ik zeen waal wao zich wat moeis bewaeg
Wat fijns 't bekiéke waerd
En raak ik knats in veur en vlam
Dan zeg ik hojje mam
Ik waas al jaore hiel erg braaf
Noow stuuf ik d'r op aaf