Aste 's morges wakker wuërs, jeuke dich de bein.
Aste mirletunkes huërs, träöt of tamboerijn.
Loërste oët 't raemke dan, boete op de straot,
huërste Jan en alleman, zinge op de maot.

Refrein:
Kôm ens veur, kôm ens veur,
kôm ens kiëke aan de deur,
want det heste vanzelaeve neet gezeen.
Kôm ens veur, kôm ens veur,
wôm ens kiëke aan de deur.
Allemaol gekke met d'n haver in de kneen.
Jao, jao det isse, det kan neet misse.
Jao, jao det klop toch, dao kump d'n optoch.
Kôm ens veur, kôm ens veur,
kôm ens kiëke aan de deur,
want det heste vanzelaeve neet gezeen.

Haet ôs mam d'n bolhood op, pap de lampekap,
opa einen aezelskop, oma lach zich slap.
Kômme dao ôs kinder aan, kiëk wie schoën ze zien.
Boer of clown of Indiaan, Pierot of Colombien.

Steit ôs stedje op de kop, davert van plezeer.
Gaon we met meziëk veurop de straote op en neer.
Kefeeke in, kefeeke oët, twintig op ein rie.
En dan einmaol tot besloët, nog ens euvernie.