Refrein:
Kôm kiêke, kôm kiêke,
maar vergaap ôch neet aan waat ge veur ôch zeet.
Kôm kiêke, kôm kiêke,
nae, wat moeiers vindt geej neet.

Heb geej al gezeen met waat enne schat ik vreej,
kiêk dan heej, doënderbeej.
Zuûste noow zôn maedje had ik al jaore gaer,
en inens dao kwaam 't haer.
Ao jao, ao jao, van ik weit nog ens neet wao,
kwaam 't mich toen achternao.
Ao jao, ao jao, neet te gluive, kiêk maar dao.

Nel van Sjang, det had zich weer ens ein kleid gekoch.
Sjang reep: Och ! Nae dan toch !
Vanachter is 't net asof 't wat krepkes liek,
of de bis dao wat te diek.
Ao jao, ao jao, en opens dao reepe: hao,
alle näödjes laote nao.
Ao jao, ao jao, krak, dao gaon ze, kiêk maar dao.