Ik meug gaer ens pierewaaie gaon,
van kefeeke nao kefee.
Alle plekkers laot ik lekker staon,
jao verdöld, ik bliéf neet langer heej:

Refrein:
Kôm mei, wae geit d'r mei, ik weit ein gooie wei.
Dao dweijel ik wiejer, bliéf geej, of gaot geej mei ?
't Letste sluukske beer, now gen geklasjeneer !
Ik wins ôg 't beste, jao hôjje, vuul plezeer.
Ajuu, zegk luu, straks kôm ik weer veurbeej.
Ajuu, zegk luu, wae neet mei geit blief maar heej.

Staon ik heej allein te hungele,
ongedöldig aan de deur.
Mit waat heud en jes te knungele,
jao verdöld, dan roop ik: kôm ens veur !

Altiéd in de vastelaovestiéd,
bin ik dreej daag lang karwaats.
Waer ik ônderwaeg ens eemus kwiét,
jao verdöld, kôm mei of ik gaon faats !