Zègk môsse huëre van dae köster, waat de mès zungk mit zien zöster,
in ein veerkwartsmaot, in ein veerkwartsmaot, jao in ein veerkwartsmaot.
De kèrk die zit herstikke vol, de luuj gaon gans oet hunne bol,
in ein veerkwartsmaot.

Edere zôndigmiddig biej ôs inne kèrk,
begintj de köster vol gooje mood mit zien werk.
De stöm die weurtj mit Aels gesmeerdj,
en alle toetse nog effekes oetgeprobeerdj.
De kèrk die löp intösse alweer vol,
want de parochie hèltj van rock & roll.

En es den weer die bel geit aan 't begin vanne mès,
wètj de kèrk waal weer wiej laat 't is.
Op het altaar stuit de priester klaor,
en aaf en toe den huerse nog 't dameskoear.
Triene zungk väör en Truuj zungk nao.
Ôm èllef oere inne kèrk den zeen weer dao.