Kaelke in de maon

Tekst: 
Frans Derhaag
Muziek: 
Willy Bonné
Artiest: 
De Pleyzèngers
Plaats: 
Geleen

Refrein:
Och, mäönke och mäönke.. noe wies ós toch de waeg.
't is zoa lestig loupe, allein in 't sjterre-leeg.
Och, mäönke och mäönke.. och kaelke in de maon.
Maak veur ós toch ein kaerske aan.. óm sjoan nao hoes te gaon.

Jao, èns in 't jaor.. sjteit aan ós deur.. de Vastelaovesgeis.
Veer drieve róndj.. oppe meziek.. dae in ós prie ós geit.
Es dan de kirkklok op ós reup.. óm heivesj weer te gaon,
Dan loere veer òmhoag.. en vraoge 't kaelke in de maon.

Höb geer dat auch, die drie daag langk, dae sjoever oppe priE
Me zuut die daag gein miensjemoel vol angs of vol van sjpiet.
Es dan de kirkklok op ós reup.. óm heivesj weer te gaon,
Dan loere veer òmhoag.. en vraoge 't kaelke in de maon.

Op essjelegoonsdig is 't veurbie.. vervlaoge wie de wèndj.
Me veult zich dan zoa katsj en frisj.. wie 'n pas gebaore kèndj.
Mer es de kirkklok op ós reup.. want noe is 't ech gedaon,
Dan loere veer ómhoag.. en vraoge 't kaelke in de maon.