Ik vong meejzelf wat gewoen
ik zaag meejzelf heer al stoan
als enne doedgewoene boem
verder dor 't leave goan

ik grujde op met veul geduld
mien takke als 'n silhouette
in de vurm van enne bult
en inens toen waas 't net
leek ik op enne kameel
tusse de smele van de Peel

kameel van de Peel
ik wies de weg
in dit landschap groet en leag
kameel van de Peel
langs de kant
mien wortels deep heer in 't land
de spoare in 't zand

ik vong meejzelf wat gewoen
ik zaag meejzelf heer al stoan
als enne doedgewoene boem
verder dor 't leave goan