D'r Flippie woar inne Kangeroe, van bienao elluf joar.
Hae kos ech gans wieëd sjpringe, woar weltmeister, ech woar.
Inne groeëte sjprungk vuur de miensjhaed, woar inne kleine vuur d'r Flip.
Sjprong va Australië nao Limburg, op d'r vastelaovestrip.

Refrein:
Shoebidoebiedoe, shoebidoebiedoe, dat is d'r kangeroe.
Shoebidoebiedoe, shoebidoebiedoe, lekker sjpringe doon v'r noeë.
Shoebidoebiedoe, shoebidoebiedoe, mit Flip, d'r walibi.
sjpringe vieër mit vasteloavend zieë aa zieë.

Hae sjpringk noeë op de sjtroate, sjpring loöker i de loch.
Och, kiek wiej Flip zich aa sjteld, hae kriet ech noeijts genog.
Hae is verkleid es verkeskop, dich herkins 'm gaar neet mieër.
Mer sjpringk 'r op de moeziek mit, roope v'r kieër op kieër.

Jao, ozze Flip, dae zurg vuur 'n echte sjpringsensatie.
Veul die vloervibratie, loat sjtreume transpiratie.
Vuur get rus in de prie, klink d'r did-ge-ri-doo.
Joa, spring mer oet dat buidelvel va Flip d'r kangeroe.