De lémpkes in de kersboum gaeve eine röstige sfeer
En mit dees daag van bezinning gebeurt mich det elkes keer weer
Ich dingk aan al diej vrunj en vriendinne diej ós zeen ontvalle
Mit häör kin ich neet meer ins lekker kalle
Mien gedachte gaon nao de elénj op deze aardkloot
Wohrom is der nog sjteeds op deze waereld zoväöl nood

De lémpkes in de kersboum gaeve eine röstige sfeer
Maar mit dees daag vraog ich mich aaf Oze Leeve Heer
Kint Geer nieks doon taege terreur en de oorloge
Zoväöl leid op de waereld det zou toch neet moge
Mien gedachte gaon nao de elénj op deze aardkloot
Wohrom is der nog sjteeds op deze waereld zoväöl nood

De lémpkes in de kersboum gaeve eine röstige sfeer
En toch dingk ich ouch dit jaor weer aevezeer
Aan al diej luuj diej krank zeen en aan diej laeve in elénj
Ut zjweit sjteit mich dan op de kop en in de hénj
Mien gedachte gaon nao de elénj op deze aardkloot
Wohrom is der nog sjteeds op deze waereld zoväöl nood