Och höbs-te waal ins pech, of veuls-te dich heel sjlech,
mienseleef, verlees dan neet de mood.
't Sjoonste van 't laeve, det kins-te hiej belaeve,
op Vastelaovesdinsdig biej de MAM.

Jao, kiek ins aan wat hiej toch allemaol kan,
stök veur sjtök artieste van de MAM.

Op dae dinsdigmiddig pak ich mich biejein,
sjravel ich dan op mien lèste bein.
Einmaol in de zaal, jao, ich weit 't waal,
zint veer mit zien alle hiej biejein.

Groot en klein biejein, nemes sjteit hiej allein,
lache, janke mit dien gans gezich.
Wo-se dan auch kieks, och det is get sjieks,
same gaon veer dan wie eine trein.

't Glaeske in de handj, geine trammelantj,
ederein, dae sjoenkelt lekker mit.
Det is zónneklaor, 't leefste eeder jaor,
biej de MAM sjteit nemes aan de kantj.

MUZIEK en sjaele wazel mit ein glaeske beer,
kinjer zitte op de eerste riej.
Get d'r naeve laeve, vergaet dien zorg heel aeve,
mienseleef, waat wille veer nog meer.