Veer make weer de kachel aan
Dat doon ver toch zoa gaer
Veer bringe uuch 't zunneke
Veer zörge veur good waer
'N bietsje stumming en get sjwoeng
Dan kumpste al hiel wied
En zinge in 't dialek
Dat wille veer neet kwied

Refrein:
Kom noe loup ins met oes met
Veer doon de polonais..
Dat geer sjtraks auch zegke kint
Hie ies 't leuk gewaes
Kom noe loup ins met oes met
Sjleet mer achteraan
De kletsjköp make 't weer bont
Och luuj ies dat neet sjoan?

Veer höbbe zoan plezeer vandaag
Dat zuut toch ederein
Veer zint good met 't munneke
Dat huert geer zoa metein
'N bietsje stumming en get sjwoeng
Dan kumpste al hiel wied
En zinge in 't dialek
Dat wille veer neet kwied