Klokke van Mariaveldj
Tekst:
Jean Dewaide
Muziek:
H. Botermans (bewerking)
Plaats:
Susteren
Van de Kirk Mariaveldj, sjluit de klok róndjóm
Wurdt den zoa de tied gemèldj, nao de Hei en de Kóm
Heuër op ’t hauf en ’t volle oer, ein tot twellef sjlaeg
’t Klokkeraad det dreit zich óm, en de klok sjluit
dóng dóng dóng dóng
Middig op Mariaveldj, ’t middig klökske loewt
klanke euver dörp en veldj, zeen ós zoa vertroewd
Klokke klinke veur de mès, en sjmaondes de noveen
En ze buige óm en óm, galmen wiejer
dóng dóng dóng dóng
Ouch soms nao ’t middigoer, loewt de groate klok
’t Is weer det èns op de doer, eine van ós vertrok
Mèldj ós det de ieëwigheid, óm de kirk bie ligk
Ze reup vant oet galmgaat óm, ich beglei dich
dóng dóng dóng dóng