Refrein:
Met vastelaovend laupe veur verkleijd as kloon,
met roëje naaze en met vuëls te groëte sjoon.
Gesjminkte sjnoëte en 'n traotje in de handj
zoë gaon veur same driej daag op sjtap in't windjbuujellandj
zoë gaon veur same op sjtap in't windjbuujellandj.

Vers1:
As kinjer hôbbe veur altiëd al nao de buus gekeke,
as Pipo kwaam genote veur van al zien dolle sjtreke.
Wat is d'r sjoënder den te kenne baoke van de lach,
de baog ken neet gesjpanne zien det is al zoë dôk gezag.

De sjlieps geit aaf 't heutje op ,
veur sjtaon noë ôppe kop.

Vers2:
Jao in ôs hert zien veur noë toch 'n bietje kindj gebleve,
de rol van kloon diej is 'n sjtôkske op ôs lieëf gesjreve.
Veur sjpringe door de optoch en veur laupe oët de maot,
jao ins per jaor den laeve veur waal driej daag ôppe sjtraot.

En is 't sjtrakkes weer gedaon,
lop langs diej naas ein traon.