Refrein:
Lekker knuffelle-knoevelle, same knus beejein.
Lekker knuffelle-knoevelle, dan vulse dich zoë-fein.
Lekker knuffelle-knoevelle, same knus beejein.
Lekker knuffelle-knoevelle, dat wilt toch idderein.

Evelien waas zeventien en ging vur ut iers op stap.
Zeej zoot toen met en gleske wien, verlaege aan d'n tap.
Vlinders kreeg zeej in de maag en hae greep zoè zien kans.
Hae peek eur hand, dae 'nutten-blaag' en vroeg eur toen ten dans...

Ze zien al jaorelang getrouwd en soms is het enne sleur.
Mar ondanks alles, niks berouwd, dao vech zeej dan wal veur.
Vlinders kreeg zeej in de maag en hae greep waar zien kans.
Hae peek eur hand, dae 'groeten-blaag' en vroog eur wir ten dans...

Ze zien intusse tachtig jaor en nog steeds en enig paar.
Eur moraal, jao, det is ierlik waor: 'Blief iewig beej elkaar'.
Vlinders kriegse in de maag maar neem dan wal dien kans.
Dus pak ein hand en veul dich blaag en vraog emus ten dans...