Koom bie mich trük in d'r murge
Koom wer bie mich mit dieng zurge
Vertel mich dieng dreume van de nacht, fluuster ze zacht
Koom bie mich trük in d'r murge

Koom bie mich trük es d'r daag ingeet
Koom es dieng koadheed wer langzaam weg geet
Wat gistere woar is huu nit mieë zoë, d'rum vroag ich noe
Koom bie mich trük in d'r murge

Koom bie mich trük es de zon op kumt
Koom es d'r daag deë de nacht wegnumt
Koom drink ing tas koffie mit mich mit, mieë vroag ich dich nit
Want ich mis dich zoë in d'r murge

Koom bie mich trük es d'r hieëmel kluurt
Fluuster in mie oer get leeve wüed
Dan veulste dieng radeloosheid nit mieë, blie mich te zieë
Ontwaak wer bie mich in d'r murge

Koom bie mich trük aan 't eind van de nacht
Koom bie mieng wermde en kus mich zacht
Want tussje 't oavendmoal en 't ontbijt ligkt alle verwijt
Mè leefde wacht vreug in d'r murge

Koom bie mich trük in d'r murge
Koom en ich zal vuur dich zurge
Dat al dieng dreume langzaam vergoan tot wied achter de moan
Mè koom bie mich trük elke murge