Donkere reégewolke zint weggewaaid
D'r sjieëmer vilt opins gans sjnel
In de sjtad brennt langzaam de neonreclame
Oet vinstere kumpt ‘t leech gans fel
Woë has doe al deë tied wer oetgehange
Zet die kletsjnate sjoon aa g'n zie

Woar ‘t nog mar ‘ns kwart vuur zieëve
En kos ich nog mar ‘ns toes zieë

Da moos ’t zoaterdig zieë, mam hou inne kook gebakke
En deë moos op d'r küekedusj sjtoa
Ing kan cacao, mieng tas d'r neëve
D'r tied kos nit sjunder umgoa
D'r kook nog werm, woëd aagesjneie
Ich preuf ‘t nog ummer, ‘t sjmakde noa mieë
Inne breef op de mat tussje gezet en reclame
Sjriks dich rot en raps dich bie-ee
Jan en Marie, die zoë good sjtel leeke, gont oeteree
Doe keeks noa ze op, zoë wie die van-ee hoole
Mar opins is toch alles vuurbie

Pap mot in de vuurkamer noa de radio loestere
En ‘t liekt es of e aan ‘t sjloape is
Die houding die zeët mich, doe mos ‘m nit sjtuëre
Heë kiekt op, heë hou dich gemist
Miene leëve jong, wie zuus doe noe wer oet
Kiekt ongerust mar toch ooch waal blie

't Vel op d'r cacao wieëd dunner
Mieng tas ummer leëger
Dr toverdrank deë wirkt allang nit mieë
De zurge zint grutter
De troëst ummer minder
Alles kumpt good, mè nit jieëkesi kieër
Woë is dat kink geblieëve
dat kink zoonger zurge
Carrière hooft noe nit mieë

Nog inne kieër wie vreuger wer die onsjuld ‘ns veule
Ich geleuf nit dat ich doe urges mit zoot
En op mieng donkere tekening inne reëgeboog klüere
En geleuve, alles kumpt good
Soms zou ich wunsje de deenger
woare simpel geblieëve
En mieng zurge goonge vanzelf vuurbie
Woar ‘t nog mar ‘ns kwart vuur zieëve
En kos ich nog mar ‘ns toes zieë.