Wétse wiej de wouwel in de waereld kump?
Meistal door 'ne wous, dae 't zo neij neet nump.
Es ze diej heurs sjpraeke
'Zeg jongens dat is mooi'
jao dan waer ich aaf en toe
vanbinne neet te gooj.

Refrein:
Kwek kwek, kwek kwek,
och sjpraek toch dialek.
Want in't ABN
wét me nooit waat kan of ken.
Kwek kwek, kwek kwek
klets neet oet diene nek.
Weg mit bla bla bla,
roop geweun wo hatata.
Es 't effe kan
wo hattetatatan.

Wétse wiej diej 'Gee' ós door de ore geit?
Wiej ein boete zaeg, die haos op sjpringe sjteit.
'Zeg gezelligheid
dat kent toch echt geen tijd'
Es hae mer op tied
weer trök nao Hollandj geit.