De welt is euversjpanne, jao, laes mer de gezèt.
't Is wirke, wirke, wirke, en väöl te laat in bèd..
Veur mich is dat normaal, ich bèn dat gans gewènd.
Ich gaon wie ènne trein, dao sjtaon ich veur bekènd

Refrein:
Ich höb kwik in de vot, ich zit noats sjtil.
Ich barsj van energie, in mien ganse batterie.
Ich höb kwik in de vot, ich zit noats sjtil.
En ich veul mich, nóndepie, heël good daobie
Ich hauwt van lekker renne en van raoze,
't Is toch zunj óm efkes oet te blaoze
Ich höb kwik in de vot, ich zit noats sjtil.
Jao, ich veul mich, nóndepie, heël good daobie

Ich póts, ich wesj, ich kaok, ich kóm gaaroets neet sjtop.
Höb auch nog tweë klein poete, die voed ich auch nog op.
Ich wirk zelfs veërtig oere, die maak ich röstig vol.
Ich waer neet euversjpanne, man, ich höb de groatste lol

En is 't vastelaovend, dan sjtik mich weer de brats.
Kump ritme in mien knäök, bewaeg ich bats veur bats.
Mien 'psycho-kwik-neurosis' is zeker geine sjtress.
Dae höb ich van nature, zoa bèn ich op mien bès