Adam, dae wis van d'n duvel gen kwaod,
Eva-lueerde, de slang goof um raod.
Prômp woord toen Adam, hae veel door de mand,
verleid door zien Eva, och waat deej het det kwant.

Refrein:
Lachende kiékers, die twink'le toch zoë gaer.
Straolende auge kiéke dwars door emus haer.
Fônkelt ein vlam, in die hiéle leve snoét,
dan gaon auk die leechskes in die auge noeits miér oét.
Deep in die pupkes dao vinds-te efkes rös,
wies des-te de muulke, muulke, muulke hebs gekös.

Vraemde die kwame en Flujas rook lônt,
voch veur zien Venlo gans veur aan 't frônt.
Dach aan zien Guntruud, reej snel truuk te paerd,
veur um waas de vijand genne scheut polver waerd.

Vruéger of morge, zoëlang weej bestaon,
kins-te die kiékers toch gaar neet weerstaon.
Gewoén 'n gegaeve veur dich en veur mich,
altiéd is 't leefde op 't iérste gezich.