Refrein:
Laeve de dreks-ker,
Laeve de dreks-ker,
Soevenier van ’t alde Venlo,
Dich kumps in ’t stadsmuseum,
Veur entree kan me dich dao zeen.

Venlo haet ein schoëne dreks-ker,
Greun geverf en wat verschaote,
De raajer zién ein bietje veerkant,
Schoeve langszaam door de straote,
’t Paerd det is enne luie bliksem,
Krieg ze stevig op zién rubbe,
As de voorman stônd te vlooke,
Alles same waas ’t mauw.

’s Morges zitte alle deensmaeg,
Dreksbek boéte aan de deure,
Knäökskes en petatteschale,
Staon dan ore langk te geure,
Dan kump dreksman met ziene ratel,
Woort gevlook en weg dae rotsooi,
En as de kér waas volgelaaje,
Dan ging dae rommel nao Genuuj.

Dreks-kér geise ôs verlaote
Fordjes jage door de straote,
En die bringe met ein vaartje,
Venloos schoénheid nao Venkoele.
’t Paerd det is genne luie bliksem,
Krieg se neet mier op zien rubbe,
En as de wage is volgelaaje,
Dan geit hae neet mier nao Genuuj.