'ne Gerardus is de eerste dae hie in sjteit
In Beesel gebaore róndj 1670
Dit book besjrief die lange lien
Van luuj die noe nag altied doorgeit
11 Generaties alle 791
Dochters van vaders
Zone van moders
Det sjtekske geit van handj nao handj

't Ware meistal boere
Die zich good van 't landj kóste bedruipe
'n Inkele óngerwiezeres
En aaf en toe zónne verplichte pesjtoor
In 1838 mós'ne Peter Reinders oet Tegele
Veurkómme veur sjtruipe
Maar det is in dit book de enige dae opgepak woor
Zone van vaders
Dochters van moders
Det sjtekske geit van handj nao handj

Die lange lien löpt maar door
Die lange lien van waat kump nao waat woor
En ederein is maar ein klein dräödje zo fien
In die lange lien

Dao zin d'r in Groninge, dao zin d'r in Drenthe
Dao zin d'r in Wisconsin, U.S.A.
Heel wied weg is det natuurlik allemaol weer familie
Zeker die Reinderse oet de buurt van Green Bay

Daughters of fathers
Mothers of sons
That baton passes from hand to hand

Die lange lien löpt maar door
Die lange lien van waat kump nao waat woor
En ederein is maar ein klein dräödje zo fien
In die lange lien

Waat is noe de moraal van dit leedje?
Worom zing ich det euver det sjtekske?
Veur d'n eine is mesjien 'n leuk weetje
Maar veur mich veult 't as 'n eige plekske
In

Die lange lien die löpt...