Refrein:
Laot de boel mer goon,
al drejt de wereld neet mie roond.
Al löp de Maos hei langsem leeg,
blief dao noe neet stoon.
Geef miech d'n hand, kom mèt miech mèt,
iech bring diech zingend door Mestreech.
Laot de boel mer goon,
nao e gans jaor höbbe veer 't us verdeend.
En prakkezeer noe net zoe zier,
vier vastelaovend want de leefs mer eine kier ...

D'n aofwas op de stein is get veur ore,
veur pótse, zuige, stöbbe geinen tied.
Me werk, jao dat maag nog eve dore.
Blijf lekker toes ; höb gaaroet geine spiet.
Iech dink allein mer aon die drei daog laank.
Tot 't mer bars, noe gaon ich miene gaank ...